Í gær varð ljóst að Albert Guðmundsson yrði ekki í landsliðshópi Íslands fyrir komandi vináttuleiki gegn Englandi og Hollandi. Age Hareide landsliðsþjálfari mátti ekki velja hann samkvæmt reglum KSÍ.

Málið var til umfjöllunar á mbl.is í dag en þar kemur fram að fjarvera Alberts helg­ist af þröngri túlk­un á óskýr­um regl­um KSÍ um það hvenær mál eru til meðferðar hjá lög­reglu eða ákæru­valdi.

Albert var kærður á síðasta ári fyrir kynferðisbrot en eftir rannsókn var málið fellt niður. Litlar sem engar líkur voru taldar á sakfellingu. Niðurfellingin var hins vegar kærð og því mátti Hareide ekki velja Albert í hóp sinn fyrir komandi leiki.

Meira
Age Hareide var bannað að velja Albert í landsliðshópinn

Eftir því sem fram kemur í frétt mbl.is er Al­bert hins vegar laus allra mála í skilningi laganna, jafn­vel þó niðurstaðan hafi verið kærð.

„Það er háð túlk­un hvenær mál telj­ast vera til meðferðar eða ekki. Ég er fullmeðvitaður um það að strangt til tekið telja marg­ir málið ekki leng­ur til meðferðar jafn­vel þó niður­fell­ing hafi verið kærð. En sum­ir telja hins veg­ar að málið sé enn til meðferðar hjá viðkom­andi,“ seg­ir Hauk­ur Hinriks­son, yf­ir­lög­fræðing­ur KSÍ, við mbl.is.

Hann segir jafnframt að ákvörðunin um að Hareide fái ekki að velja Albert byggi á viðbragðsáætl­un sem samþykkt var af stjórn KSÍ fyr­ir tveim­ur árum.

Haukur segir þá að reglur sem KSÍ styðst við sæti endurskoðun en þær er á borði starfshóps innan KSÍ. All­ir innan þess hóps standi utan sambandsins. Niðurstöður starfshópsins verða svo teknar fyrir á stjórnarfundi KSÍ.