Lögreglan í London hefur hafið formlega rannsókn á árás sem Roy Keane, sérfræðingur Sky Sports og fyrrum fyrirliði Manchester United varð fyrir í gær.

Það varð uppi fótur og fit á Emirates-leikvanginum í London í gær yfir leik Arsenal og Manchester United en stuðningsmaður Arsenal er sakaður um að hafa skallað Keane

Keane var, ásamt samstarfsmanni sínum á Sky Sports Micah Richards, á leið niður á völl nálægt leikslokum þegar stuðningsmaður á að hafa gert sig líklegan til að skalla hann.

Richards greip hins vegar til sinna ráða, greip í manninn og lét hann hressilega heyra það.

Myndband af Richards ræða við manninn er hér að neðan.

Micah Richards was not having it omds 😭😭😭😭 pic.twitter.com/bjXnmzsljq

— Sjayy 🎱 (@sjayy24s) September 3, 2023