Antonio Conte, stjóri Tottenham hefur verið verði greindur með gallblöðrubólgu. Hann mun gangast undir aðgerð í dag þar sem gallblaðran verður fjarlægð.
Tottenham staðfestir tíðindin og segir að Conte fái sinn tíma til að ná sér áður en hann snýr aftur. Endurheimtin eftir aðgerðina mun taka einhvern tíma og ekki er tekin fram nein dagsetning með endurkomu hans.
Conte fór að finna fyrir miklum eymslum í kvið og við læknisskoðun kom í ljós að hann var með gallblöðrubólgu.
„Allir hjá félaginu senda honum batakveðjur,“ segir í yfirlýsingu Tottenham.
Tottenham er í fimmta sæti ensku úrvalsdeildarinnar. Næsti leikur liðsins er sunnudag þegar liðið tekur á móti Manchester City.
Antonio Conte recently became unwell with severe abdominal pain.
Following a diagnosis of cholecystitis, he will be undergoing surgery to remove his gallbladder today and will return following a period of recuperation.
Everyone at the Club wishes him well 💙 pic.twitter.com/h91LfV8lD9
— Tottenham Hotspur (@SpursOfficial) February 1, 2023
