Scott McTominay lék með Manchester United í dag sem spilaði við Liverpool í ensku úrvalsdeildinni.
Þessum leik lauk með markalausu jafntefli en Liverpool var töluvert sterkari aðilinn og átti 34 skot að marki gestanna.
McTominay segir að það séu jákvæðir punktar sem leikmenn United geti tekið úr þessum leik en færin voru af skornum skammti.
,,Við erum að glíma við töluverð meiðsli í leikmannahópnum og við vissum að verkefnið yrði erfitt en við vorum rólegir, stóðum saman og fengum okkar færi til að særa þá,“ sagði McTominay.
,,Það er svekkjandi að við gátum ekki gert frekari leik úr þessu en ég er viss um að strákarnir séu ánægðir með hluta af þessu.“
,,Við getum ekki gleymt síðasta ári og strákarnir gáfu allt í verkefnið í dag. Við erum með unga leikmenn sem eru að koma inn í liðið.“
,,Að vera fyrirliði í dag var minn stærsti heiður á ferlinum, ekki bara einu sinni heldur tvisvar. Ég er þakklátur að fá tækifærið.“
