Giftur leikmaður í ensku úrvalsdeildinni er sagður hafa haldið framhjá eiginkonu sinni fyrr á þessu ári. Enski miðillin Daily Star fjallar um málið.

Leikmaðurinn hitti konu á djamminu í London fyrr á þessu ári og bað hana um að koma upp á hótel með sér. Hún neitaði upphaflega en eftir fjölda skilaboða samþykkti hún að hitta hann.

Hún hitti leikmanninn svo á hóteli nokkru og sváfu þau saman. Hann ákvað þá að kíkja aftur heim til eiginkonu sinnar en ætlaði sér að koma aftur, sem og hann gerði.

„Þegar hann kom aftur á hótelið var konan til í meira en hann sagðist þá vera of þreyttur. Það var alveg ljóst að hann hafði farið heim og stundað kynlíf með eiginkonu sinni líka,“ segir heimildamaður Daily Star en hann telur að þetta sé alls ekki í fyrsta sinn sem leikmaðurinn gerir þetta.

„Hann er svo hrokafullur að hann hafði ekki einu sinni fyrir því að taka giftingarhringinn af sér. Honum leið mjög vel og þetta er klárlega ekki í fyrsta sinn sem hann gerir eitthvað svona.“