David Beckham var að gefa út heimildarmynd á Netflix þar sem farið er í alla helstu viðburði úr hans lífi. Eitt af því er frægt framhjáhald.

Beckham var þá ótrúr eiginkonu sinni, Victoria Beckham þegar hann fór að sænga hjá konunni sem passaði börnin þeirra og hugsaði um fjölskylduna.

Victoria opnar sig um framhjáhald eiginmanns síns, David Beckham. Þetta er í fyrsta sinn sem hún ræðir opinberlega um meint svik hans. „Mér hefur aldrei liðið jafn illa,“ segir hún í Netflix-heimildaþáttaröðinni Beckham sem kom út á streymisveitunni í dag.

Rebecca Loos er konan sem um ræðir en hún hefur reglulega rætt kynlífið sitt með Beckham.

„Við gátum setið og spjallað alla nóttina, annað fólk tók auðvitað eftir þessu. Við tengdumst bara strax, straumurinn á milli mín og Beckham var svo sterkur,“ sagði Loos.

Loos hrósar Beckham fyrir taktana í rúminu. „Hann kann að láta konu njóta sín, hann óttast ekki kvennmannslíkamann. Hann vissi alveg hvernig átti að gera hlutina.“

David opnaði sig einnig um þetta tímabil í Netflix-þættinum. „Ég veit ekki hvernig við komumst í gegnum þetta, í fullri hreinskilni. Victoria er mér allt, að sjá hana svona særða var ótrúlega erfitt. En við berjumst fyrir því sem skiptir okkur máli og þarna þurftum við að berjast fyrir hvort öðru, við þurftum að berjast fyrir fjölskyldu okkar. Og það sem við áttum var þess virði að berjast fyrir.“

Ástin sigraði og tókst hjónunum að komast yfir þennan erfiða kafla. Ári eftir að Victoria flutti til Spánar eignuðust þau þriðja barn sitt, drenginn Cruz, í febrúar 2005. Þau hafa nú verið gift í 24 ár.