ÍA hefur tryggt sæti sitt í Bestu deild karla en lokaumferð venjulegs móts í Lengjudeildinni fór fram í dag.
ÍA vann sitt verkefni sannfærandi 4-1 gegn Gróttu en liðið átti möguleika á að fara upp fyrir lokaumferðina ásamt Aftureldingu.
Afturelding tapaði sínum leik 2-1 gegn Þrótt eftir að hafa verið með forystuna er 90 mínútur voru komnar á klukkuna.
Selfoss er þá fallið niður í 2. deildina eftir tap heima gegn Vestra og fer niður ásamt Ægi.
Það er ljóst hvernig umspilið í Lengjudeildinni mun líta út en Leiknir spilar við Aftureldingu tvívegis og Vestri mætir Fjölni einnig tvisvar.
Sigurvegararnir úr þeim leikjum spila svo úrslitaleik um hvaða lið kemst í Bestu deildinni að ári.
Umspilið:
20 september / 24 september
Leiknir R. – Afturelding / Afturelding – Leiknir R.
Vestri – Fjölnir / Fjölnir – Vestri
Úrslitaleikurinn er svo spilaður þann 30. september.
