Mauricio Pochettino, stjóri Chelsea, var spurður að skemmtilegri spurningu á blaðamannafundi í gær.
Þar var Pochettino spurður út í eyðslu Chelsea undanfarið eitt og hálft ár en um er að ræða eyðslu upp á einn milljarð punda sem er gríðarleg upphæð.
Pochettino bendir á að Chelsea sé einnig búið að selja fjölmarga leikmenn en á síðasta tímabili var keypt leikmenn fyrir 600 milljónir punda.
,,Ég veit ekki nákvæmlega hversu mikið félagið var að selja áður. Þið getið sagst vera hissa vegna þess en við þurfum bara að þróa okkar hóp,“ sagði Pochettino en Chelsea tapaði 1-0 gegn Nottingham Forest í dag.
,,Fótboltinn í dag er öðruvísi en fyrir 20 árum síðan. Í dag tel ég þetta vera nokkuð eðlilegt, peningarnir koma og þeir fara. Þetta eru stór viðskipti og við getum ekki stöðvað það.“
,,Við fáum öll okkar hlut í þessu, ég er ekki hér til að kenna ykkur eitthvað en þetta snýst allt um jafnvægi. Chelsea er að eyða peningum en hefur líka selt leikmenn. Það er eðlilegt að fá inn nýja menn.“
