Ledley King, goðsögn Tottenham, hefur tjáð sig um hvernig hann fór að því að fá aldrei rautt spjald í ensku úrvalsdeildinni.
King er í dag 42 ára gamall en hann spilaði fótbolta lengi vel en þurfti að leggja skóna á hilluna vegna hnémeiðsla.
Það eru fáir varnarmenn sem hafa spilað eins lengi í deild þeirra bestu án þess að fá rautt spjald en King er með ráð fyrir unga og efnilega leikmenn.
,,Ég reyndi að tækla eins lítið og ég gat. Ef einhver fór framhjá mér þá notaði ég hraðann til að bjarga stöðunni,“ sagði King.
,,Það fyndna er, þú nefnir við mig að ég hafi fengið átta gul spjöld en ég tel að ég hafi átt skilið þrjú eða fjögur af þeim.“
,,Ég man eftir tölfræði á einu tímabili, ég hafði ekki brotið af mér í sjö eða átta leikjum. Ég fékk fékk óverðskuldað brot í þeim leik sem var einnig mitt fyrsta brot í viðureigninni.“
