Romelu Lukaku, leikmaður Chelsea, hefur tjáð sig um hvort hann sé á leið til Juventus í sumar eða ekki.

Aðdáandi Inter Milan náði Lukaku á myndband og spurði Belgann hvort hann væri að semja við Juventus.

Framtíð Lukaku er í mikilli óvissu en Inter vildi einmitt fá hann í sumar en dró sig svo úr kapphlaupinu.

Ástæðan er sú að Inter var alls ekki ánægt með framkomu Lukaku sem var á sama tíma að ræða við Juventus.

Framherjinn er enn samningsbundinn Chelsea en virðist ekki eiga framtíð fyrir sér hjá félaginu.

,,Nei, nei… Ég býst ekki við að þessi skipti fari í gegn,“ sagði Lukaku við stuðningsmanninn og brosti.