Denise, móðir knattspyrnumannsins Dele Alli hefur grátið stanslaust undanfarna daga eftir að sonur hennar steig fram og sagði frá lífi sínu.
Dele steig fram í viðtali á Sky Sports í síðustu viku þar sem hann fór yfir líf sitt. Denise var í neyslu þegar Dele var ungur og var brotið kynferðislega á honum þegar hann var sex ára gamall.
Atvikið átti sér stað á heimili Denise og var það vinur hennar sem braut á Alli. Knattspyrnumaðurinn var ungur byrjaður að selja eiturlyf en fór svo á fósturheimili þegar hann var tólf ára gamall.
„Ég hef ekki hætt að gráta frá því að ég heyrði frá ofbeldinu sem sonur minn mátti þola. Ég hafði ekki hugmynd um að það hefði verið brotið kynferðislega á honum,“ segir Denise.
„Ég er svo leið, það brýtur í mér hjartað að einhver sem ég bauð á heimili mitt hafi brotið traust mitt á versta mögulega hátt.“
„Ég kem því ekki í orð hversu illa mér líður yfir því að eiga ekkert samband við son minn lengur. Ég vona bara að það breytist.“
