KA hefur valdið miklum vonbrigðum það sem af er í Bestu deild karla. Liðið ætlaði sér stóra hluti fyrir mót.
Akureyringar, undir stjórn Hallgríms Jónassonar, vildu vera í toppbaráttunni í ár. Liðið er hins vegar aðeins með 11 stig í sjötta sætinu eftir níu leiki.
KA hefur mætt þremur efstu liðunum, Val, Breiðabliki og KA, í síðustu þremur leikjum sínum og tapað með markatölunni 0-10.
Staða liðsins var tekin fyrir í Þungavigtinni í dag. Segir sparkspekingurinn Kristján Óli Sigurðsson að Hallgrímur þurfi nauðsynlega á því að halda að KA vinni næsta leik sinn gegn Fram.
„Ef KA menn vakna ekki við þetta rothögg, að hafa fengið tíu mörk í grímuna frá þremur bestu liðum landsins í dag í síðustu leikjum, þá hlýtur Sævar allavega að ná í skotinn. Hvort hann hlaði í gikkinn veit ég ekki,“ segir Kristján beittur í þætti dagsins.
KA tekur á móti Fram á heimavelli sínum á mánudagskvöld.
