Fjárhagslegt tap Gylfa Þórs Sigurðssonar er talið vera um milljarður vegna rannsóknar lögreglu á meintu broti hans. Málið var látið niður falla í dag.

Viðskiptablaðið fjallar um málið og telur að tap Gylfa hafi numið tæpum milljarði  sem hefur ekki spilað fótbolta í að verða 700 daga.

Gylfi var í farbanni frá Bretlandseyjum í 637 daga en er nú frjáls ferða sinna og getur yfirgefið Bretlandseyjar.

Gylfi var með um 850 milljónir í árslaun hjá Everton, samningur hans við félagið rann út síðasta sumar. Samkvæmt heimildum 433.is á Gylfi einhvern hluta inni af launum sínum hjá Everton fyrir síðasta árið sitt á samningi.

Það var ákvörðun Everton að Gylfi myndi ekki spila  á meðan rannsóknin var í gangi og þá var honum meinað að æfa með liðinu.

Gylfi hefur hins vegar verið án tekna í tæpt ár á meðan lögreglan lauk rannsókn sinni og saksóknari taldi það svo afar ólíklegt til sakfellingar, og felldi það niður.

„Það kann einnig að hafa áhrifa á næstu samninga Gylfa, ef hann snýr aftur í atvinnumennsku, að hann hefur ekki keppt undanfarin tvö tímabil. Jafnframt miða samningar leikmanna oft við bónusa út frá ákvæðum um spilaða leiki, mörkum og annað, sem Gylfi hefur ekki getað uppfyllt frá því að lögreglurannsóknin hófst,“ segir í ítarlegri umfjöllun Viðskiptablaðains.