Helgi Fannar Sigurðsson skrifar frá Munchen

Nú er aðeins um einn og hálfur sólarhringur í að íslenska karlalandsliðið hefj leik í undankeppni Evrópumótsins 2024. Liðið ferðast til Bosníu og Hersegóvínu í dag og mætir þar heimamönnum á morgun.

Leikmenn taka æfingu hér í Munchen nú á eftir og í kjölfarið verður farið út á flugvöll, þar sem vél bíður þeirra og ferjar til Sarajevó.

Þar munu leikmenn dvelja í kringum leikinn við Bosníu. Hann fer þó fram í borginni Zenica, sem er um 70 kílómetrum frá höfuðborginni Sarajevó.

Zenica hefur verið í umræðunni. Borgin þykir ekki sú öruggasta og er hvað þekktust fyrir stærðarinnar fangelsi sem þar er staðsett. Hörðustu stuðningsmenn Bosníu eru á þessu svæði og verða því án efa læti á vellinum annað kvöld.

Meira
Sjáðu myndirnar: Gleðin í fyrirrúmi hjá Strákunum okkar á æfingasvæði Bayern

„Það hefur aldrei vantað upp á stemninguna þó úrslitin falli ekki með okkur“

Sævar lýsir óhugnanlegu atviki á dögunum – „Ég ætlaði að standa upp en sé að það fossblæðir“