Fjársterkir aðilar frá Katar undirbúa nú stórt og mikið tilboð í Manchester United. Daily Mail sagði frá þessu í gærkvöldi.

Hópurinn samanstendur af mjög fjársterkum aðilum frá Katar og vilja þeir ólmir kaupa félagið.

Segir í frétt Daily Mail að tilboð þeirra til Glazer fjölskyldunnar verði lagt fram á næstu dögum, telja þeir að tilboð þeirra verði það besta sem Glazer fjölskyldan fær.

Nú segir í fréttum að karlarnir frá Katar vilji slátra Old Trafford og byggja nýjan og glæsilegan heimavöll fyrir félagið. Old Trafford er kominn til ára sinna og endurbætur nauðsynlegar eða byggja nýjan völl.

Bent hefur verið á að félagið gæti reist þetta nýja mannvirki við hlið Old Trafford til að missa ekki heimavöll sinn um tíma.

Segir í frétt Daily Mail að hópurinn frá Katar vilji ausa peningum í leikmannakaup fyrir Erik ten Hag stjóra liðsins, hafi þeir mikla trú á því starfi sem hann er að vinna.

Glazer fjölskyldan vill selja United og er opið fyrir tilboð á næstu vikum. Jim Ratcliffe hefur látið vita að hann vilji kaupa félagið og er búist við að þessi ríkasti maður Bretlands muni leggja mikið á sig til að félagið.