Réttarhöld í máli Ryan Giggs halda áfram. Þessi fyrrum leikmaður Manchester United er sakaður um margs konar ofbeldi gegn fyrrum kærustu sinni, Kate Greville. Ofbeldið er af andlegum og líkamlegum toga.

Í réttarsal í dag kom fram að haustið 2020 hafi Greville logið því að Giggs að krabbameinsfrumur hafi fundist í líkama hennar til að komast hjá því að sofa hjá honum. Hún hefur áður sagt frá því að fyrrum leikmaðurinn hafi viljað kynlíf öllum stundum.

„Ég sé eftir því að hafa sagt þessa hluti en ég þurfti að segja eitthvað til að ná honum af mér, til þess að hann myndi láta mig í friði,“ sagði Greville í réttarsalnum.

Í dag er fimmti dagur réttarhalda yfir Giggs. Alls munu þau standa yfir í tíu daga. Þau munu hefjast á ný eftir helgi.