Ronald Koeman, fyrrum stjóri Barcelona, hefur skotið föstum skotum á sitt fyrrum félag en hann var rekinn frá Börsungum á síðustu leiktíð.
Það gekk lítið hjá Barcelona undir stjórn Koeman sem var látinn fara og tók Xavi við og batnaði gengið verulega.
Barcelona er þekkt fyrir það að stjórna flestum af sínum leikjum, eitthvað sem Koeman er hrifinn af en ekki af sömu hugmyndafræði og var notuð fyrir áratug síðan.
,,Ég er hrifinn af því að stjórna leikjum. Ef þú spilar með þrjá hafsenta og fimm varnarmenn þá geturðu ekki sagt að það sé varnarsinnað kerfi,“ sagði Koeman.
,,Fyrir þremur eða fjórum mánuðum spiluðum við okkar besta leik undanfarin ár. Besta dæmið var úrslitaleikurinn gegn Athletic Bilbao.“
,,Barcelona lifir í fortíðinni, þetta ‘4-3-3 tiki taka.’ Fótboltinn hefur breyst, í dag er hann hraðari og mun líkamlegri, þú getur ekki lifað í fortíðinni.“
