Landsliðsmaðurinn Albert Guðmundsson hefur verið á milli tannana á fólki undanfarna daga. Ástæðan er sú að Arnar Þór Viðarsson hefur lítið notað hann í landsleikjum gegn Ísrael og Albaníu.

Flestir áttu von á að Albert yrði í lykilhlutverki, talað var í þeim tón í þjóðfélaginu að Albert yrði stjarna liðsins.

Albert var að klára tímabil með Genoa í efstu deild á Ítalíu en enginn leikmaður í hópnum var að spila í betri deild á liðnu tímabili.

Meira:
Rúrik og Kári tókust á um stöðu Alberts í landsliðinu – „Það er aldrei gott að fara í fýlu“

Albert var ónotaður varamaður í 2-2 jafntefli gegn Albaníu á mánudag en liðið mætir San Marínó í æfingaleik á morgun.

Í fluginu á leið þangað virðist Albert hafa ákveðið að grípa í bók og birtir mynd af því á Instagram.

Bókin ber nafnið. „The Subtle Art of Not Giving a Fuck.“ Bókin fjallar um það að jákvæðni sé ekki svarið við öllu og að fólk þurfi að læra að vera sama um hluti sem skiptir þá ekki máli.