Landsleikur Póllands og Íslands er ekki í beinni útsendingu á RÚV líkt og auglýst hafði verið. RÚV nær ekki sambandi við gervihnött.

Margir landsmenn höfðu stillt inn á RÚV klukkan 13:30 til að fylgjast með eina æfingaleik Íslands fyrir Evrópumótið en ekkert bólaði á leiknum

„Því miður er ekki hægt að sýna frá leik íslenska landsliðsins gegn Póllandi sem hófst klukkan 13:30 á RÚV eins og til stóð vegna tækniörðugleika. Ekki næst samband við gervihnött sem sendir út leikinn frá Póllandi. Beðist er velvirðingar á þessu. Við munum reyna að halda ykkur upplýstum um gang mála í Póllandi,“ segir á vef RÚV.

Ísland er að tapa 1-0 þegar síðari hálfleikur er nýlega farin af stað. Með einföldu googli er þó hægt að finna streymi á leikinn frá pólskum sjónvarpsstöðvum.