Almarr Ormarsson er genginn í raðir raðir Fram og semur til tveggja ára. Félagið staðfestir þetta.

Almarr kemur frá Val. Þar var samningur hans að renna út í haust.

Miðjumaðurinn lék einni með Fram á árunum 2008 til 2014. Hann er 34 ára gamall.

Yfirlýsing Fram
Almarr hjá Fram út 2023!

Knattspyrnudeild Fram fagnar því að hafa samið við Almarr Ormarsson til tveggja ára. Almarr þekkir vel til félagsins enda með 36 skoruð mörk í yfir 130 leikjum fyrir Fram í efstu deild og bikar. Ekki er hægt að kynna Almarr öðruvísi til leiks en að rifja upp Bikarúrslitaleikinn 2013 sem á sér sérstakan stað í minnum margra Frammara. Í æsispennandi leik sem skilaði áttunda bikarmeistaratitli Fram í hús lék Almarr á alls oddi. Hann gerði mörk Fram á 64′ og 88′ mínútu í leik sem vannst í vítaspyrnukeppni.

Almarr er fjölhæfur leikmaður sem stjórnin og þjálfarar lögðu kapp á að sækja fyrir komandi átök í Bestu deildinni. Bjóðum við Almarr því hjartanlega velkominn heim!