Þorsteinn H. Halldórsson, landsliðsþjálfari A kvenna, hefur tilkynnt hópinn fyrir leiki gegn Hvíta Rússlandi og Tékklandi.
Leikirnir eru báðir liður í undankeppni HM 2023 og fara þeir báðir fram ytra. Ísland mætir Hvíta Rússlandi í Belgrad í Serbíu 7. apríl og svo Tékklandi í Teplice í Tékklandi 12. apríl. Báðir leikirnir verða í beinni útsendingu á RÚV.
Ísland er í öðru sæti riðilsins með níu stig eftir fjóra leiki, en Holland er í því efsta með 11 stig eftir fimm leiki. Tékkland er í þriðja sæti með fimm stig eftir fjóra leiki og Hvíta Rússland er í því fjórða með fjögur stig eftir þrjá leiki.
Sara Björk Gunnarsdóttir snýr aftur í landsliðið eftir langa fjarveru, Sara eignaðist sitt fyrsta barn seint á síðasta ári.
Þá er Elín Metta Jensen framherji Vals mætt aftur, hún hafði lítið æft í vetur en hefur fundið neistann til raða inn mörkum aftur.
Hópinn má sjá hér að neðan.
Hópurinn
Sandra Sigurðardóttir – Valur – 40 leikir
Cecilía Rán Rúnarsdóttir – Bayern Munich – 7 leikir
Telma Ívarsdóttir – Breiðablik – 1 leikur
Elísa Viðarsdóttir – Valur – 45 leikir
Guðný Árnadóttir – AC Milan – 14 leikir
Glódís Perla Viggósdóttir – Bayern Munich – 99 leikir, 6 mörk
Ingibjörg Sigurðardóttir – Valerenga – 44 leikir
Guðrún Arnardóttir – FC Rosengard – 16 leikir, 1 mark
Sif Atladóttir – Selfoss – 86 leikir
Hallbera Guðný Gísladóttir – IFK Kalmar – 125 leikir, 3 mörk
Natasha Moraa Anasi – Breiðablik – 5 leikir, 1 mark
Dagný Brynjarsdóttir – West Ham – 99 leikir, 33 mörk
Gunnhildur Yrsa Jónsdóttir – Orlando Pride – 87 leikir, 12 mörk
Alexandra Jóhannsdóttir – Eintracht Frankfurt – 22 leikir, 3 mörk
Sara Björk Gunnarsdóttir – Olympique Lyonnis – 136 leikir, 22 mörk
Selma Sól Magnúsdóttir – Rosenborg – 17 leikir, 2 mörk
Karólína Lea Vilhjálmsdóttir – Bayern Munich – 16 leikir, 5 mörk
Berglind Björg Þorvaldsdóttir – SK Brann – 60 leikir, 9 mörk
Agla María Albertsdóttir – BK Häcken – 44 leikir, 3 mörk
Sveindís Jane Jónsdóttir – VfL Wolfsburg – 16 leikir, 6 mörk
Svava Rós Guðmundsdóttir – SK Brann – 33 leikir, 2 mörk
Amanda Jacobsen Andradóttir – Kristianstads DFF – 5 leikir
Elín Metta Jensen – Valur – 58 leikir, 16 mörk
