Enska landsliðið getur einfaldlega ekki stöðvað Kylian Mbappe er liðið mætir Frökkum í 8-liða úrslitum.
Þetta segir fyrrum framherjinn Chris Sutton sem lék með liðum á borð við Cheslea og Blackburn á Englandi.
Kyle Walker, bakvörður Englands, mun ekki getað stöðvað Mbappe er liðin eigast við þrátt fyrir hjálp frá öðrum leikmönnum að mati Sutton.
Mbappe er talinn vera einn öflugasti leikmaður heims og hefur átt gott HM með Frökkum hingað til.
,,Kyle Walker gæti átt nánast fullkominn leik í hægri bakverði en það myndu samt koma augnablik þar sem Mbappe lætur hann líta kjánalega út,“ sagði Sutton.
,,Það skiptir engu máli hvað England gerir, hvort þeir fái Declan Rice til að tvöfalda á hann eða segja Bukayo Saka að koma til baka til að hjálpa Walker, þeir verða í vandræðum.“
