Leikmenn Tottenham voru vaktir á hóteli sínu í Frakklandi í nótt þegar kveikt var á flugeldum
Tottenham á mikilvægan útileik gegn Marseille í Meistaradeild Evrópu í kvöld. Um er að ræða lokaumferð riðlakeppninnar.
Mikil spenna er í D-riðli Meistaradeildarinnar. Tottenham er í efsta sæti með átta stig. Þar á eftir koma Sporting og Frankfurt með sjö og loks Marseille með sex. Það getur því allt gerst í kvöld, en á sama tíma og Marseille mætir Tottenham tekur Sporting á móti Frankfurt.
Stuðningsmenn Marseille ætla greinilega að hafa áhrif á leikinn og kveiktu þeir á flugeldum fyrir utan hótel leikmanna Tottenham í nótt.
Þetta gerðist í tvígang, klukkan hálf tvö og fjögur. Margir leikmenn vöknuðu við þetta.
Tottenham players preparations for the crucial Champions League tie in Marseille have been disrupted after fireworks were set off at the team hotel during the night.
It happened multiple times for prolonged periods and it woke up several of the players. 🎆 pic.twitter.com/5fLeU1gDLn
— Football Daily (@footballdaily) November 1, 2022
