Formaður enskrar knattspyrnudeildar hefur vakið mikla athygli eftir að hafa sent stuðningsmanni dónalegt svar í tölvupósti vegna deilna um leikstað.

Um er að ræða Northern Premier League, þar sem formaðurinn Mark Harris svaraði stuðningsmanni með móðgandi hætti. Stuðningsmaðurinn, Aled Duckfield, sem fylgir FC United of Manchester, birti skjáskot af samskiptunum á samfélagsmiðlum.

Deilan snýst um mikilvægan leik FC United gegn Stockton Town sem hefur verið frestað sex sinnum vegna slæms ástands vallarsins á Broadhurst Park. Í eitt skiptið hafði Stockton ferðast langa leið áður en leiknum var aflýst skömmu fyrir upphaf.

Deildin hefur nú ákveðið að leikurinn, sem á að fara fram 21. apríl, verði spilaður á hlutlausum velli, heimavelli Curzon Ashton. Sú ákvörðun hefur farið illa í stuðningsmenn FC United, sem telja sig missa mikilvægan heimaleik í baráttunni um sæti í efri deild.

Duckfield sendi Harris tölvupóst þar sem hann gagnrýndi ákvörðunina harðlega og kallaði hana „skelfilega“. Hann sakaði deildina einnig um vanhæfni og krafðist þess að Harris segði af sér.

Samkvæmt færslu Duckfield svaraði Harris aðeins sex mínútum síðar með stuttu en afar grófu svari, sem hefur síðan farið víða á netinu. „Tak fyrir þennan fallega póst, hoppaðu nú upp í rassgatið á þér.“