Thelma Björk Theodórsdóttir er harðorð í garð vals á landsliðshópi karla fyrir komandi verkefni í nóvember.
Arnar Þór Viðarsson landsliðsþjálfari valdi í dag 23 manna landsliðshóp og fimm leikmenn til vara fyrir verkefni í næsta mánuði.
Um mjög breyttan hóp frá síðustu verkefnum var að ræða. Tíu leikmenn eru valdir í fyrsta sinn og fjórtán alls koma úr Bestu deildinni hér heima.
Það var þó ekkert pláss fyrir Guðmund Magnússon, leikmann Fram, en hann er eiginmaður Thelmu. Guðmundur er næst markahæsti leikmaður Bestu deildarinnar í ár með sextán mörk í 24 leikjum það sem af er.
„Hvernig er hægt að líta framhjá næst markahæsta leikmanni efstudeildar í þessu vali? Ætli þeir sem að velji liðið hafi einu sinni hugsað um það að velja leikmann úr FRAM!? Umræðan þarf líka að rífa sig í gang. Veit að ég er ekki hlutlaus, en þetta er Mesta bull lífs míns,“ skrifar Thelma, sem er fyrrum leikmaður Fram, á Facebook-síðu sína.
Hér að neðan má sjá landsliðshópinn
Frederik August Albrecht Schram (M) – Valur – 5 leikir
Hákon Rafn Valdimarsson (M) – IF Elfsborg – 2 leikir
Sindri Kristinn Ólafsson (M) – Keflavík
Viktor Örn Margeirsson – Breiðablik
Róbert Orri Þorkelsson – CF Montreal
Damir Muminovic – Breiðablik – 2 leikir
Guðlaugur Victor Pálsson – D.C. United – 31 leikur, 1 mark
Rúnar Þór Sigurgeirsson – Keflavík – 1 leikur
Logi Tómasson – Víkingur R.
Hörður Ingi Gunnarsson – Sogndal IL – 1 leikur
Höskuldur Gunnlaugsson – Breiðablik – 5 leikir
Ísak Snær Þorvaldsson – Breiðablik
Dagur Dan Þórhallsson – Breiðablik
Viktor Karl Einarsson – Breiðablik – 2 leikir
Daníel Hafsteinsson – KA
Viktor Örlygur Andrason – Víkingur R. – 2 leikir
Aron Einar Gunnarsson – Al Arabi – 99 leikir, 2 mörk
Bjarki Steinn Bjarkason – Venezia FC
Valdimar Þór Ingimundarson – Sogndal IL – 1 leikur
Jónatan Ingi Jónsson – Sogndal IL
Jason Daði Svanþórsson – Breiðablik – 1 leikur
Danijel Dejan Djuric – Víkingur R.
Óttar Magnús Karlsson – Oakland Roots – 9 leikir, 2 mörk
Leikmenn til vara
Ólafur Kristófer Helgason (M) – Fylkir
Ívar Örn Árnason – KA
Þorri Már Þórisson – KA
Ari Sigurpálsson – Víkingur R.
Adam Ægir Pálsson – Víkingur R.
