Cristiano Ronaldo mætti fyrr í dag á æfingasvæði Manchester United, degi eftir að hafa komið sér í fyrirsagnirnar af neikvæðum ástæðum.
United vann frábæran 2-0 sigur á Tottenham á Old Trafford í gær. Liðið er komið með nítján stig í fimmta sæti ensku úrvalsdeildarinnar, átta stigum á eftir toppliði Arsenal.
Ronaldo var hins vegar ónotaður varamaður í gær. Hann hefur verið í algjöru aukahlutverki á þessari leiktíð, eftir að hafa reynt hvað hann gat til að komast í burtu síðasta sumar.
Portúgalinn var allt annað en sáttur með að koma ekki við sögu í gær. Hann strunsaði út af leikvanginum áður en lokaflautið gall.
Ekki er ljóst hvort eða hvernig Erik ten Hag, stjóri United, mun refsa honum. Ronaldo var í hið minnsta mættur til æfinga í dag.
„Ég hef ekki talað við hann. Ég mun sjá um þetta á morgun. Nú erum við að fagna sigrinum,“ sagði hollenski stjórinn eftir leik gærdagsins
Hér að neðan má sjá þegar Ronaldo kom keyrandi á æfingu í dag.
