Emma Hayes, þjálfari kvennaliðs Chelsea í knattspyrnu, vakti athygli á því í vikunni að sláandi munur væri á verðlaunafé karla og kvenna í FA bikarnum á Englandi.
Fjórða umferð FA bikarsins kvennamegin fer fram um helgina og munu sigurliðið fá 2000 pund en tapliðið 500 mund. Á sama tíma fær sigurliðið karlamegin í fjórðu umferð 90 þúsund pund.
Chelsea, undir stjórn Hayes, sigraði FA bikarinn kvennamegin í fyrra en liðið fékk aðeins 2% af því sigurfé sem Leicester fékk fyrir sigur í FA bikarnum karlamegin.
„Þetta er algjörlega óásættanlegt,“ sagði Hayes um málið á dögunum.
Kröfuganga verður haldin fyrir leikina í 4. umferð bikarsins um helginar þar sem verður krafist þess að konur fái sama verðlaunafé og karlar í FA bikarnum.
