„Eiginkona leikmanns Everton sem handtekinn var grunaður um kynferðisbrot gegn ólögráða einstaklingi stendur með eiginmanni sínum,“ það er svona sem frétt enska götublaðsins The Sun hefst í dag. Ensk blöð geta ekki nafngreint Gylfa af laglegum ástæðum.
Um er að ræða Gylfa Þór Sigurðsson leikmann Everton en tíðinda er að vænta í máli hans á allra næstu dögum. Alexandra Helga Ívarsdóttir er eiginkona hans.
Gylfi var handtekinn í júlí og er sakaður um kynferðisbrot gegn ólögráða einstaklingi.
Meira:
Lögfræðingar telja miklar líkur á því að Gylfi Þór verði ákærður
Gylfi hefur verið laus gegn tryggingu frá handtöku en um helgina var það framlengt til miðvikudags. Búist er við tíðindum af máli Gylfa í vikunni.
„Eftir handtökuna snéri eiginkonan í heimabæ sinn en núna býr hún með honum í London ásamt barni þeirra,“ segir í frétt The Sun.
„Þau eru samheldin fjölskylda,“ segir heimildarmaður The Sun.
Gylfi og Alexandra giftu sig árið 2019 en saman eiga þau eitt barn sem fæddist á síðasta ári.
