Lionel Messi er að jafna sig eftir COVID-19 veiruna en hann kveðst hafa orðið meira veikur en hann átti von á.

Messi nældi sér í veiruna í jólafríi í Argentínu og hefur ekkert spilað með PSG á nýju ári. Hann birti mynd af sér og eiginkonuni sinni í einangrun.

„Eins og þið vitið þá fék kég COVID og ég vildi þakka fyrir öll skilaboðin. Það tók mig lengri tíma að jafna mig en ég átti von á,“ sagði Messi.

„Ég er alveg að ná bata og er spenntur fyrir því að komast aftur á völlinn.“

„Ég hef æft síðustu daga til að koma mér í 100 prósent stand. Það eru margar áskoranir á næstunni og ég vonandi sé ykkur öll sem fyrst.“