Roy Keane er ekki vinsæll á meðal allra á Englandi en hann er fyrrum leikmaður Manchester United.
Keane var afar harður í horn að taka sem leikmaður og lét oftar en ekki finna vel fyrir sér á vellinum.
Undanfarin ár hefur Keane gert það gott sem sparkspekingur þar sem hann hikar ekki við að tjá eigin skoðanir.
Um helgina var Keane mættur aftur á völlinn á Anfield er goðsagnir Man Utd spiluðu við goðsagnir Liverpool.
Keane kom inná sem varamaður á 75. mínútu leiksins fyrir Denis Irwin og var baulað hressilega á þennan fyrrum miðjumann.
Liverpool hafði betur í leiknum en Florent Sinama-Pongolle gerði sigurmarkið fyrir heimamenn í 2-1 sigri.
Hér má sjá viðbrögðin sem Keane fékk.
Roy Keane coming on at Anfield…😂pic.twitter.com/FKTNISaPAi
— Pure Roy Keane (@PureRoyKeane) September 24, 2022
