Íslenska landsliðið í knattspyrnu vann í kvöld 1-0 sigur í æfingaleik á móti Venesúela í Austurríki. Það var Ísak Bergmann Jóhannesson sem skoraði sigurmark leiksins úr vítaspyrnu undir lok leiks.
Um afar bragðdaufan leik var að ræða af hálfu beggja liða. Besta færi íslenska liðsins úr opnum leik kom á 65. mínútu.
Guðlaugur Victor átti fínustu fyrirgjöf á fjærstöng þar sem Jón Dagur Þorsteinsson skallaði boltann niður og fyrir Mikael Egill milli vítateigslínu og markteigs en skot hans var langt frá því að vera nægilega gott.
