Lionel Messi, einn allra besti knattspyrnumaður sögunnar, á nóg af rándýrum fasteignum úti um heim allan. Breska götublaðið The Sun tók saman lista yfir eignir hans, sem metnar eru á 23 milljónir punda.

Messi er leikmaður Paris Saint-Germain í Frakklandi. Argentínumaðurinn er metinn á 524 milljónir punda.

Sem stendur leigir hann, ásamt konu sinni og börnum, íbúð í Villes de Neuilly-hverfinu í París á um 18 þúsund pund á viku.

Hér að neðan má sjá lista yfir eignir hans og staðina sem þær eru á.

Barcelona

Þar til fyrir rúmu ári síðan var Barcelona eina félagið sem Messi hafði leikið með í meistaraflokki. Hann á hús þar í úthverfi sem er metið á 5,5 milljónir punda. Þar er glæsilegt útsýni og allt til alls, eins og sundlaug og fótboltavöllur. Þá mega flugvélar ekki fljúga í nálægt við húsið, svo þar er algjör friður.

Miami

Árið 2020 fór Messi að fjárfesta í Bandaríkjunum. Hann splæsti í íbúð með svakalegu útsýni, vínkjallara, sundlaug, líkamsrækt, barnaleiksvæði og fleiru.

Ibiza

Messi á þá hótel á Ibiza sem hefur þó ekki enn verið tekið í notkun. Mynd af því má sjá hér að neðan.

Rosario

Messi keypti sér rándýr setur í heimaborg sinni í Argentínu. Talið er að þar séu um 20-25 herbergi.