Anthony Martial framherji Manchester United er aftur á meiðslalistanum og getur ekki leikið gegn Southampton í ensku úrvalsdeildinni.
Martial kom inn sem varamaður í sigri liðsins á Liverpool eftir meiðsli en meiðslin hafa tekið sig upp á nýjan leik.
„Þið sjáið á morgun hvort það verði breytingar, ég ræði það við liðið. Martial er aftur meiddur,“ sagði Ten Hag.
Hins vegar er Casemiro klár í slaginn. „Hann er klár, hann hefur tekið allar æfingar með okkur. Martial er með eymsli í hásin en ég vona að hann geti spilað leikinn þar á eftir.“
Leikur Southampton og United er í hádeginu á morgun.
