Chelsea hefur mikinn áhuga á Anthony Gordon, kantmanni Everton.

Um helgina hafnaði Everton 40 milljóna punda tilboði frá Lundúnafélaginu í Gordon.

Nú segir Mirror frá því að Everton vilji fá 50 milljónir punda, eiga félagið að hleypa Gordon í burtu.

Gordon er 21 árs gamall og hefur verið á mála hjá Everton frá því hann var barn.

Á síðustu leiktíð lék Gordon 35 leiki fyrir félagið. Þar skoraði hann fjögur mörk og lagði upp tvö. Hann hefur spilað báða leikina það sem af er þessari leiktíð. Everton hefur tapað þeim báðum, 0-1 gegn Chelsea og 2-1 gegn Aston Villa.

Chelsea er með fjögur stig eftir fyrstu tvo leiki sína. Liðið gerði 2-2 jafntefli við Tottenham um helgina og hafði, líkt og áður segir, unnið Everton.