Thomas Tuchel, stjóri Chelsea, er að setja pressu á eiganda liðsins, Todd Boehly, samkvæmt Sport á Spáni.

Chelsea hefur verið á höttunum eftir sóknarmanni í sumar en liðið er búið að losa sig við bæði Timo Werner og Romelu Lukaku.

Pierre Emerick Aubameyang er efstur á óskalista Tuchel en þeir unnu saman hjá Dortmund á sínum tíma.

Samkvæmt Sport er Tuchel að setja pressu á Boehly varðandi kaup á leikmanninum og vill að hann bjóði nógu vel svo Barcelona samþykki að selja.

Barcelona er frekar til í að selja Hollendinginn Memphis Depay en hann ku vera í viðræðum við Tottenham.

Aubameyang er 33 ára gamall en hann gerði garðinn frægan með Arsenal í ensku deildinni á sínum tíma.