Kieran Tierney hefur ekki áhuga á að semja við Manchester City í sumar en hann hefur verið orðaður við meistarana nokkuð óvænt.

Tierney er mikilvægur hlekkur í vörn Arsenal en hann spilar sem vinstri bakvörður og er einnig skoskur landsliðsmaður.

Football London segir frá því að Tierney elski lífið hjá Arsenal og að hann sé ekki að leitast eftir því að fara.

Man City er að reyna að fá Marc Cucurella frá Brighton en Tierney er einnig sagður á óskalista liðsins.

Tierney skrifaði undir nýjan samning á Emirates í fyrra og er fullur tilhlökkunar fyrir komandi verkefni í London.

Samkvæmt þessum fregnum eru afskaplega litlar líkur á því að Tierny finni sér nýtt heimili í sumar.