Ísak Snær Þorvaldur hefur verið hvað heitasti leikmaður Bestu deildar karla það sem af er leiktíð.

Hinn 21 árs gamli Ísak hefur skorað tíu mörk í níu leikjum sínum í deildinni til þessa.

Ísak hefur ekki bara öðlast vinsældir fyrir gæði á vellinum heldur einnig hárið sitt, sem hann leggur greinilega mikið upp úr að hafa upp á tíu.

Ægir Líndal, sem sér um hárið á Ísaki, setti inn færslu á Twitter í gær. „Viltu verða sá besti á landinu í dag eins og minn maður Ísak Snær? Kíktu þá til Lindalcutz í klippingu þar sem gæðin margfaldast,“ skrifaði Ægir.

Með birti hann svo mynd af Ísaki.

Færsluna má sjá hér neðar.

Viltu verða sá besti á landinu í dag eins og minn maður @isaks10 kiktu þá til Lindalcutz i klippingu þar sem gæðin margfaldast! pic.twitter.com/NHqkY1RWzl

— Ægir Líndal (@AegirLindal) June 20, 2022