Sveinn Aron Guðjohnsen framherji Elfsborg í Svíþjóð og íslenska landsliðsins segist ekki finna fyrir auka pressu að bera eftirnafið.
Sveinn Aron er 23 ára gamall en hann blómstrar nú í Svíþjóð hjá Elfsborg en um er að ræða fjórða félags Sveins eftir að hann fór í atvinnumennsku árið 2018.
,Þetta hefur alltaf verið eðlilegur veruleiki fyrir mig. Ég þekki ekkert annað en að tilheyra þessari fjölskyldu þannig að fyrir mig er þetta mjög eðlilegt,“ segir Sveinn Aron við sænska miðla.
Faðir hans er Eiður Smári Guðjohnsen og afi hans er Arnór Guðjohnsen en um er að ræða tvo af bestu knattspyrnumönnum í sögu Íslands.
Hann segist aldrei hugsa út í það að bera eftirnafnið. ,,Ég hugsa ekki um það. Þetta hefur alltaf verið svona og mun alltaf vera svona.“
Sveinn Aron er ánægður ár sín í atvinnumennsku en hann blómstrar nú hjá Elfsborg. ,,Tími minn á Ítalíu var ekki alveg nógu góður en þó svo að ég hafi ekki spilað mikið þá lærði ég helling á þessu“
Sem ungur drengur ólst Sveinn Aron upp hjá Barcelona. ,,Þegar að maður er svona ungur þá lærir maður margt og ég tók margt með mér þaðan. Svo þróast maður enn meira sem leikmaður eftir því sem maður nær lengra og líka eftir því undir hvaða þjálfurum maður spilar.“
