Baldur Sigurðsson er mættur heim til Völsungs og mun taka slaginn með liðinu í 2 deild karla í sumar. Baldur kemur til Völsungs frá Fjölni.
Baldur hefur átt frábæran feril með Keflavík, KR og Stjörnunni en að auki var hann í atvinnumennsku.
Af vef Völsungs:
Það er okkur gleðiefni að tilkynna um að Baldur Sigurðsson hefur fengið félagaskipti yfir í Völsung og mun klæðast grænu í sumar.
Baldur, töluvert hoknari af árum, reynslu og titlum síðan síðast, og knattspyrnuráð voru sammála um að ferlinum yrði ekki hægt að ljúka án þess að ná nokkrum leikjum í grænu!
Baldur færir okkar unga hóp mikið og er meira en til í að leiðbeina strákunum okkar innan sem utan vallar.
Baldur á í safni sínu 2 Íslandsmeistaratitla og 5 bikartitla auk þess sem hann vann 2.deild með Völsungi árið 2003. Hann varð einnig Íslandsmeistari innanhús með Völsungi ári áður, sælla minninga.
Við bjóðum Baldur Sigurðsson hjartanlega velkominn í grænt á ný!
