Jamie Carragher rifjaði upp á Sky Sports í gær þegar Lionel Messi sendi honum miður falleg einkaskilaboð á Instagram.
Carragher var, ásamt Gary Neville, við störf sem sparkspekingur í kringum leik Watford og Norwich í ensku úrvalsdeildinni í gær.
Þeir félagar völdu lið ársins að þeirra mati. Þá barst talið að Messi. Hann komst ekki í lið þeirra Carragher og Neville.
,,Fyrr á leiktíðinni talaði ég um að Ronaldo væri ekki bestu kaupin fyrir United. Ég notaði Messi sem dæmi, mér fannst hann ekki frábær fjárfesting fyrir PSG,“ sagði Carragher.
Fór þetta greinilega ekki vel í Messi. ,,Ég fékk einkaskilaboð á Instagram. Hann kallaði mig eiginlega bara asna.“
Carragher vakti athygli á því að Messi fylgdist greinilega með umræðunni á Sky Sports fyrst hann heyrði ummæli hans. Þessi fyrrum varnarmaður Liverpool vonaðist því til að Messi væri einnig að fylgjast með í gær og sendi honum skilaboð.
,,Lionel, ég elska þig. Þú ert besti leikmaður allra tíma. Miðað við þig var ég asni, ég samþykki það,“ sagði Carragher léttur.
🗣 “Messi private messaged me on Instagram and called me a donkey!” 🤣@Carra23 and @GNev2 picked their @EASPORTSFIFA Team of the Year! ⭐ #TOTYpic.twitter.com/tye1u2gQLQ
— Sky Sports Premier League (@SkySportsPL) January 22, 2022
