Skondið atvik kom upp í 0-1 sigri Manchester City gegn Chelsea í ensku úrvalsdeildinni í gær.
Fyrri hálfleikur var rólegur. Man City var mun meira með boltann. Besta færi hálfleiksins fékk Gabriel Jesus en skaut framhjá.
Á 53. mínútu kom Jesus Man City svo verðskuldað yfir. Joao Cancelo skaut þá að marki og komst Brasilíumaðurinn í boltann og skoraði.
Man City var áfram sterkari aðilinn og vann að lokum, sem fyrr segir, 0-1 sigur.
Snemma í seinni hálfleik kom upp fyndið atvik þegar Jack Grealish, leikmaður Man City, og Cesar Azpilicueta, leikmaður Chelsea, féllu saman til jarðar.
Þegar Grealish gerði tilraun til að standa upp þá harðneitaði Azpilicueta að fara af honum. Á endanum stóð Grealish upp með Spánverjann á bakinu á sér. Þetta má sjá hér fyrir neðan.
#Azpilicueta weird move on #Grealish 51' #CHEMCI pic.twitter.com/OIqlQ9rH2z
— muratbey (@gerikalmislik) September 26, 2021
