Nokkur Íslendingalið hafa leikið í Evrópuboltanum það sem af er degi.
Guðný Árnadóttir lék síðasta hálftímann í 0-2 tapi gegn Sassuolo í ítölsku Serie A.
Milan er í þriðja sæti deildarinnar með 9 stig eftir fjóra leiki. Þetta var fyrsta tap liðsins á leiktíðinni.
Brynjar Ingi Bjarnason lék fyrri hálfleikinn með Lecce í 1-2 sigri gegn Cittadella í ítölsku Serie B. Þórir Jóhann Helgason sat allan tímann á varamannabekk Lecce.
Liðið er í fimmta sæti deildarinnar með 11 stig eftir sex leiki.
Sævar Atli Magnússon kom inn á sem varamaður og lék tæpan hálftíma í 3-1 sigri Lyngby gegn Hvidovre.
Lyngby er í öðru sæti deildarinnar með 20 stig eftir níu leiki. Liðið á leik til góða á topplið Helsingör, sem er með 24 stig.
