Gylfi Þór Sigurðsson er í laus gegn tryggingu í rúman mánuð til viðbótar. Gylfi er til rannsóknar í Bretlandi, grunaður um kynferðisbrot gegn ólögráða einstaklingi. Málið rataði í fjölmiðla í júlí.

Landsliðsmaðurinn hefur ekki enn verið nafngreindur í breskum fjölmiðlum af lagalegum ástæðum. Everton hefur nú skilað inn leikmannalista sínum fyrir tímabilið og þar er Gylfi ekki á blaði.

Everton getur breytt hópi sínum í janúar en félagið setti Gylfa í bann á meðan málið er til rannsóknar.

Verði málið gegn Gylfa fellt niður í október getur hann ekki spilað fótbolta fyrr en í janúar í fyrsta lagi. Hinn möguleikinn er að lögreglan i Manchester gefi út ákæru á hendur Gylfa og þá fer með málið fyrir dómstóla þar í landi.

Samkvæmt erlendum miðlum hefur Gylfi harðneitað sök í málinu en hann var handtekinn á heimili sínu í júlí en var síðan sleppt úr haldi gegn tryggingu.