Það er allt á suðupunkti í Kórnum í Kópavogi í kvöld þar sem KR heimsækir HK í efstu deild karla í knattspyrnu. Tvö rauð spjöld fóru á loft í fyrri hálfleik.
KR leiddi í hálfleik þrátt fyrir að snemma leiks hafi Arnþór Ingi Kristinsson fengið rauða spjaldið. Elías Ingi Árnason dómari leiksins var ekki í nokkrum vafa þegar hann gaf Arnþóri sitt annað gula spjald.
„Annað gula hjá Arþóri Inga. Spot on,“ skrifar Hjörvar Hafliðason, Dr. Football og stuðningsmaður HK. Spjaldið rauða má sjá hér að neðan.
Annað gula hjá Arþóri Inga. Spot on. pic.twitter.com/7SayyRCtYn
— Hjörvar Hafliðason (@hjorvarhaflida) August 16, 2021
Allt varð vitlaust eftir rauða spjaldið og fauk í Rúnar Kristinsson þjálfara KR sem lét ýmis orð falla, mátti heyra þau í beinni útsendingu. „Þið eruð nú meiri helvítis jólasveinarnir,“ sagði Rúnar við Helgi Mikael Jónasson fjórða dómara leiksins.
KR komst yfir eftir tæpan hálftíma leik en lætin voru ekki á enda því undir lok fyrri hálfleiks fékk Kristján Finnbogason, markmannsþjálfari KR rauða spjaldið fyrir munnsöfnuð. „Loksins rautt á bekkinn hjá KR. Heyrist allt í útsendingunni. Skelfing að heyra,“ skrifar Hjörvar.
„Rúnar Kristins við Helga fjórða dómara. „Þið eru nú meiru helvítis jólasveinarnir“ Ekki einu sinni gult spjald,“ segir Hjörvar Hafliða á Twitter.
Rúnar Kristins við Helga fjórða dómara. „Þið eru nú meiru helvítis jólasveinarnir“ Ekki einu sinni gult spjald. pic.twitter.com/HJbftyjW1v
— Hjörvar Hafliðason (@hjorvarhaflida) August 16, 2021
