Starf Wayne Rooney sem knattspyrnuþjálfari Derby County í ensku B-deildinni gæti verið í hættu eftir að myndir af honum með þremur tvítugum stúlkum á hótelherbergi um helgina fóru í dreifingu.
Eins og frægt er orðið buðu Wayne og félagar hans þremur 21 árs gömlum stelpum á borðið til sín á næturklúbbi í Manchester um helgina. Eftir á fór gengið svo á hótelherbergi stelpnanna.
Sagan segir að ekkert af kynferðislegum toga hafi átt sér stað þegar þangað var komið. Wayne dó svo áfengisdauða á stól í herberginu. Í kjölfarið tóku stelpurnar myndir af honum gegn hans leyfi. Til dæmis rak ein þeirra rassinn á sér í andlitið á honum á einni myndinni.
Þetta var Wayne afar ósáttur með. Hafði hann samband við lögreglu daginn eftir.
Sjá einnig: Rooney hringdi á lögreglu vegna myndanna – Segist ekki hafa gert neitt rangt
Nú hefur hins vegar komið fram í breskum fjölmiðlum að lögregla muni ekki aðhafast í málinu. Það er metið sem svo að stúlkurnar þrjár hafi ekki gert neitt getur talist saknæmt.
Heimildamaður sagði við The Sun að um helmningslíkur væru á því að Rooney fengi að halda starfi sínu.
,,Hvernig á hann að leiða hóp ungra manna (leikmenn Derby) þegar hann getur ekki hamið sjálfan sig á almannafæri þegar hann fer út að skemmta sér? Þetta skaðar ímynd félagsins,“ sagði heimildamaðurinn. Hann sagði einnig að hjá félaginu væru menn virkilega svekktir með uppátæki Rooney.
Rooney mætti til starfa hjá Derby á mánudagsmorgun. Enn sem komið er heldur hann vinnunni. Það gæti þó breyst áður en leiktíðin í ensku B-deildinni hefst.
