Arsenal er nálægt því að klófesta Tammy Abraham, leikmann Chelsea. Framherjinn hefur átt erfitt uppdráttar í stjórnartíð Thomas Tuchel og er líklegur til að yfirgefa félagið í sumar. Fjölmörg lið í ensku úrvalsdeildinni hafa sýnt honum áhuga, meðal annars Tottenham og West Ham.

Hið síðarnefnda vill þó ekki borga kaupverðið sem er sagt vera meira en 30 milljónir punda. Abraham er neðarlega í goggunarröðinni hjá Chelsea og þarf að fara frá félaginu ef hann vill spila fleiri mínútur. Heimildir The Sun herma að Chelsea sé tilbúið að leyfa honum að fara á láni til Arsenal, ef að ákvæði er í samningnum að Arsenal séu skyldugir til að kaupa hann á 40 milljónir punda.

Mikel Arteta, þjálfari Arsenal, er að reyna að losa sig við marga leikmenn liðsins, og gæti leyft kaup á Eddie Nketiah og Alexander Lacazette, sem myndi skilja eftir einungis einn framherja í liðinu.

Abraham komst stundum ekki í hóp hjá Chelsea og Tuchel hefur áður talað um sparleg not sín á leikmanninum.

„Ég get einungis dæmt það sem ég sé. Ég sá kláran, sjálfstraustan strák, sem býr yfir miklum hæfileikum,“ sagði hann í apríl.

„En það er ómögulegt að gera miklar breytingar á liði sem er að raða inn góðum úrslitum. Það er ekki rökrétt fyrir mér. Hann var ekki til taks í nokkrar vikur, svo nú er ekki rétti tíminn til að breyta mikið til? Ef þú skoðar tölfræðina sérðu að hann er efstur á markalistanum hjá okkur. En ef þú skoðar tölfræðina síðan við komum, þá segir hún aðra sögu.“

Tuchel vill bæta við öðrum framherja á næstu vikum og Erling Haaland hefur verið orðaður við félagið. Tuchel hélt sig við Timo Werner þrátt fyrir markaþurrðina í fyrra, en tefldi líka fram falskri níu. Olivier Giroud fór til AC Milan á dögunum sem þýðir að það vantar annan framherja í liðið. Harry Kane er annar möguleiki þar sem hann hefur lýst yfir ósk sinni að fara frá Tottenham en það er ólíklegt að Spurs selji hann til erkifjenda sinna. Romelu Lukaku er líka á listanum hjá Chelsea eftir frábærar frammistöður hjá Inter Milan.