Thódór Elmar Bjarnason segir að þegar KR eigi góðan dag séu þeir besta knattspyrnulið landsins.

Leikmaðurinn var gestur í útvarpsþættinum Fótbolti.net í gær, ásamt Kjartani Henry Finnbogasyni, liðsfélaga sínum.

Elmar kom heim í KR úr atvinnumennsku á dögunum. Hann lék sinn fyrsta leik í sigri gegn KA í Pepsi Max-deildinni snemma í síðustu viku.

,,Ég er búinn að horfa á eiginlega alla leiki hjá KR í sumar og nokkra aðra leiki. Mín tilfinning er sú að á góðum degi er KR með besta liðið og ef við náum að fá það besta út úr öllum leikmönnum þá eigum við ekki að tapa mörgum leikjum,“ sagði Elmar í þættinum.

Næsti leikur KR er gegn Keflavík á heimavelli annað kvöld.