Þó nokkrir vináttulandsleikir fóru fram í kvöld. Hér fyrir neðan má sjá yfirferð yfir þá helstu.
Benzema fór meiddur af velli í sigri
Frakkland vann Búlgaríu, 3-0, í París. Antoine Griezmann skoraði fyrsta mark leiksins eftir tæpan hálftíma. Olivier Giroud bætti við tveimur mörkum seint í leiknum.
Það vakti þó athygli þegar Karim Benzema fór meiddur af velli í fyrri hálfleik. Hann hafði þá fengið högg á hægra hné. Framerjinn er nýkominn aftur í landsliðið eftir langa fjarveru. Það væri ansi leiðinlegt fyrir hann ef meiðslin reynast alvarleg þar sem Evrópumótið er á næsta leiti.
Spánn rúllaði yfir Litháen
Hugo Guillamon kom Spánverjum yfir á heimavelli gegn Litháen á 3. mínútu. Brahim Diaz tvöfaldaði forystuna 20 mínútum síðar. Juan Miranda og Javi Puado bættu svo við mörkum í seinni hálfleik.
Þess má geta að Spánverjar sendu U-21 árs lið sitt í þennan leik vegna kórónuveirusmits innan A-liðsins.
Tékkland vann Albaníu
Tékkland tók á móti Albaníu og vann 3-1. Patrik Schick kom þeim yfir á 18. mínútu en Sokol Cikalleshi jafnaði fyrir gestina skömmu fyrir leikhlé. Lukas Masopust kom heimamönnum aftur yfir um miðjan seinni hálfleik áður en Ondrej Celustka innsiglaði sigurinn undir lok leiks.
Markalaust í Ungverjalandi
Ungverjaland tók loks á móti Írlandi í leik sem lauk með markalausu jafntefli.
