Alexander Buttner fyrrum varnarmaður Manchester United ákvað að láta mála mynd af sér og Sir Alex Ferguson á vegg á heimili sínu.

Um er að ræða mynd sem tekinn var af Buttner og Ferguson árið 2013 eftir að United varð enskur meistari. Um var að ræða síðasta tímabil Ferguson hjá United.

Buttner sem er frá Hollandi lék fimm leiki með United þetta tímabilið og fékk medalíu fyrir það. „Veggurinn heima, minningar. Englandsmeistarar,“ skrifar Buttner við myndina sem hann birtir á Instagram.

Segja má að myndin hafi fallið misjafnlega í kramið en margir gera grín að myndinni. „ Teiknaðirðu þetta sjálfur? Kannski með löppunum,“ skrifar einn og á þar við að myndin sé ekkert sérstaklega vel heppnuð.

„Hver er þetta þér við hlið? Þetta er ekki Sir Alex Ferguson,“ skrifar annar. „Vissi ekki að Roy Hodgson væri stjóri United,“ bætir svo annar við.

Listaverkið má sjá hér að neðan.