Aaron Wan-Bissaka ætlar að gefast upp á enska landsliðinu verði hann ekki valinn í leikmannahóp liðsins í mars. Frá þessu segja enskir fjölmiðlar.
Hægri bakvörður Manchester United getur valið að spila fyrir England og Kongó, hann er 23 ára gamall og hefur ekki spilað A-landsleik.
Wan-Bissaka var valinn í enska landsliðshópinn í ágúst árið 2019 en þurfti að draga sig úr hópnum vegna meiðsla.
Mikil samkeppni er um stöðu hægri bakvarðar hjá Englandi en þar eru Trent Alexander-Arnold, Reece James og Kyle Walker fyrir og að auki er Kieran Trippier.
Wan-Bissaka er á sínu öðru tímbili hjá Manchester United en hann hefur þótt standa sig með ágætum í vetur, verði hann ekki í hópi Gareth Southgate í mars ætlar hann hins vegar að spila fyrir Kongó.
